Ciclo de Conferencias
A Catedral de Tui atesoura unha extraordinaria colección de mobiliario litúrxico, salientable tanto pola súa orixinalidade como pola súa calidade. A linguaxe do barroco emerxe no discurso doutrinal da Catedral, cuxa arquitectura medieval veráse envolta en douradas roupaxes. Este mobiliario será froito dunha necesidade litúrxica, polo que é fundamental para comprender hoxe mellor o emprego do espazo e o tempo dunha Catedral xa transformada en uso e tamén en formas.
En 1712 serían realizadas dúas pezas fundamentais do mobiliario litúrxico: o cadeirado da Sala Capitular e a caxonería da Sacristía. Feitos estos mobles polo mestre arquitecto Domingo Rodríguez de Pazos, sinalan a complexidade simbólica dunha linguaxe que só era ollada por membros da curia.
A conmemoración dos trescentos anos da súa realización expresa a necesidade de coñecer a importancia deste mobiliario e o seu contexto histórico-artístico. Como vai estar acompañado doutros mobles imprescindibles da colección catedralicia tudense e como a mesma é inevitable coñecer para comprender a complexidade do espazo catedralicio tudense.
As conferencias programadas trazan os diferentes aspectos que se precisan para comprender o porqué da súa necesidade e do seu funcionamento. O coñecemento da arquitectura que encerra este rico mobiliario, é fundamental para entender a evolución ou incluso as preocupacións do momento nas obras catedralicias. Igualmente a relación cerimonial do mobiliario resulta importante para acceder a unha mellor comprensión da utilización do espazo, cun exemplo fundamental como o Monumento de Xoves Santo.O cadeirado do coro e a caxonería da Sacristía coa súa lectura doutrinal e artística aportan un contido moito máis profundo que o formal de cara a entender a relación que este mobiliario tiña cos seus potenciais usuarios.
E finalmente a comprensión do contexto histórico e social na cidade Tui, para ubicar a importancia e excepcionalidade da Catedral e o seu mobiliario nun momento e nunha cidade que está a potenciar o seu carácter militar e polo tanto as relacións de poder dentro da mesma.
Capela das Reliquias. Catedral de Tui.
Arrunta | |
---|---|
Prezioa | 10 € |