from September, 21st 2017 to September, 22nd 2017
Talde-lana ezinbestekoa zaigu egungo gizartearen anitz alorretan; hala ere, hori emaitza onez aurrera ateratzeko modua aurkitzea ez da beti lan erraza: formakuntza behar da. Irakaskuntzaren alor horren barnean, ikasketa kooperatiboa deritzona ildo horri darraio.
Helburua zera da: ikasleek talde txikietan egindako lana xede didaktikoarekin erabiltzea [...] parte-hartze ekitatiboa ahal bezainbeste ziurtatuz, eta haien arteko aldibereko interakzioa ahal bezainbeste aprobetxatuz, norberaren aukeren arabera taldekide orok eskolako edukiak ikas ditzan, eta gainera, taldean lan egiten ikasiz (Aprender a Cooperar/Cooperar paraaprender para enseñar a aprender en equipos programa, 2011). Labur esanda, metodo honek egungo mundu globalean egokiro txertatzeko beharrezkoak diren tresna eta konpetentzia komunikatiboez edo sozialez hornitu nahi ditu ikasleak.
Ikaskuntza eta irakaskuntza prozesu kooperatiboaren onurak aski onartuak egonik ere, edo are gehiago, Foru Komunitateko Lehen Hezkuntzako eta DBHko eta estatu mailako Haur Hezkuntzako bigarren zikloko ikasketen curriculumetan txertaturik egon arren, alorra oraindik garatzeko dago, eta ikasgelan ezartzeko arazoak daude gaurko egunean, besteak beste, irakaslegoaren formakuntza gabeziagatik.
Ikastaro honek hutsune hori bete nahi du, ikaskuntza mota honi etekin handiena atera ahal izateko dauden tresna eta jardueretan irakasleendako formakuntza eskainiz. Ikastaroak izaera praktikoa izanen du hein handi batean eta estrategia eta lanabes zehatzak erakutsiko dira, hezkuntzaren urrats guztietako irakasleek ikasgelan baliatu ahal izanen dituztenak.
Ikasketa kolaboratiboa bultzatzeko IKTek ematen dituzten aukerak ezagutzea eta kooperaziorako irakaskuntza estrategiak praktikan jartzea izanen da ikastaroaren interesgunea, bereziki LHn, DBHn eta atzarriko hizkuntzen irakaskuntza/ikaskuntza prozesuan.
Kondestablearen Jauregian
| Ordinary enrolment | |
|---|---|
| Precio global * | 15 € |
| * Required enrollment | |
