XVIII Limpeza Simultánea de Ríos. Móllate polos ríos.

Presencial

21 de septiembre de 2025

Imprimir PDF

Despois do éxito das xornadas de limpeza simultánea organizadas ao longo dos anos, este 2025 ADEGA Lugo, Coidemos Lugo e a UNED únense de novo para levar a cabo a XVIII Limpeza Simultánea de Ríos. Trátase dunha actividade de voluntariado ambiental que terá lugar o domingo 21 de setembro na zona do río Miño situada ao carón da UNED. Durante a xornada, dunha duración aproximada de 3 horas, limparemos os residuos atopados na zona contribuíndo á súa conservación.

Grazas á colaboración de 71 entidades, o pasado ano estimamos que se retiraron máis de 10 Tn. de lixo de orixe diverso e colaboraron máis de 1300 persoas. O máis importante é que, ano tras ano, conseguimos concienciar un pouco máis á sociedade da necesidade de manter limpos os nosos ríos de residuos como premisa para a conservación da súa saúde.

O punto de encontro para a realización da actividade será na entrada da UNED de Lugo. O aparcadoiro do centro estará aberto para aquelas persoas que precisen deixar o seu coche.

Lugar y fechas: 21 de septiembre de 2025
De 11:00 a 14:00 h.

Ver calendario

Presencial: Esta actividad se desarrolla presencialmente.

Ver más actividades

Inscripción

Actividad sin certificado.

	Matrícula Ordinaria
Precio	Gratuita

Matrícula online

Metodología

Para o día da limpeza lembrar que os materias precisos ou recomendables son:
-Luvas. Se o voluntariado pode traer luvas de fregar da casa, mellor, xa que as de vinilo ou látex rompen con facilidade e estamos xerando máis residuos. Recomendamos facelo, e así non se comparte material.
-Pinchos (paus cun pincho na punta para coller lixo).
-Botas de auga (polo menos algunha persoa con elas).
-Bolsas grandes ou sacos para recoller o lixo. Tamén se poden levar capachos/esportas para transportar o lixo e tamén estamos a reducir os residuos xenerados.

Outras medidas de seguridade poden ser:
-Non arriscar a integridade física por coller lixo en zonas perigosas ou pouco accesibles.
-Ao levantar pesos facelo sempre dobrando os xeonllos. Pedir axuda a outros/as compañeiros/as para recoller cousas pesadas.
-Se hai cristais, vidro, ferralla, ou outro material cortante retiralo con precaución se é posible.
-Aplicar o sentido común. Sempre se pode chamar ao concello para que retire o lixo máis problemático.
-Se no grupo van crianzas ter boa conta delas e que non fiquen soas.
-Non traballar de costas ao río sobre todo se estamos arrincando algo que está soterrado xa que podemos caer ao cauce.
-Ter coidado coas zonas de corrente forte e profundas.

Colaboradores