Europan asko dira gizaki eta gizarte eleaniztunak, hizkuntza bat baino gehiago darabiltenak. Nafarroa eta nafarrak ez dira horretan salbuespen, eta euskara, gaztelania, ingelesa, frantsesa edo bestelako hizkuntzak espazio berean bizi dira gaur egun gurean ere.
Eleaniztasun hori zama da? aberastasuna? ondarea? Zenbat hizkuntzarentzat dago espazioa? espazio berezia behar dute hizkuntza horiek? bakoitzak berea? denek berbera?
Ikastaroan galdera horiei ekingo diegu. Horretarako bi “espazio” mota zehaztu ditugu: gizartea batetik, eta gizakia bestetik; espazio soziologikoa eta neurologikoa. Lehen espazioa gizarte eleaniztuna, kalea eta eskola da, eta horietan hizkuntzek izan beharreko tratamenduari begiratuko diogu. Bestalde, bigarren espazioa, giza burmuina, hiztunaren baitan dago. Hizkuntza gizakien garunean non kokatzen den eta nola funtzionatzen duen azalduko dugu eta burmuinak bi hizkuntza edo gehiago kudeatu behar dituenean nola jokatzen duen erakutsi.
Ordinary enrolment | |
---|---|
Fee | 15 € |